كشنة للفول الجاهز

اليوم جايبتلكم طريقة بسيطة مع الفول ممكن تخلي الفول مقبول عند الناس
يعني احنا نعرف ناس ما ياكلو الفول وناس ياكلو بس مو لحالو وناس ما شاء الله يحبو بأي طريقة
انا أحب اكلو لمن اشتري جاهز مع الكشنة هادي الي رح اقدم طريقتها دحين

اولا المقادير :

بصلة متوسطة الحجم
حبتين طماطم
ملح
كمون
زيت

ثانيا الطريقة :

نجيب طاوة ونحط شوية زيت ونحط البصل بعد ما نقطعوا مكعبات صغيرة
نشوح البصل شوية لمن يذبل و يميل لونه على الذهبي بعدين نحط الطماطم ونخليها لمن تدوب شوية
بعدين نحط الفول وطبعا طالما هو من أول جاهز مطبوخ ما رح نخلي على النار كتير
شوية وبعدين نطفي عنه نحطلو شوية ملح ونقلبو وهو في الطاوة
بعد كدا نغرفو ونرش عليه شوية كمون
وازا احد حب زيت زيتون

وبالعافية